Xəbərlər

TELEVİZİYA PROQRAMLARI DƏYİŞİB

2009-05-01 - 13:42:00



Dövlət Neft Akademiyasına silahlı basqın nəticəsində baş verən faciə ölkə telekanallarının proqramında dəyişikliklə nəticələnib.

Azərbaycan Televiziyası Qapalı Səhmdar Cəmiyyəti mətbuat xidmətinin rəhbəri Xatirə Qasımova “Media forum” saytına bildirib ki, mayın 1-i səhər proqramı bütünlüklə akademiyadakı faciəyə həsr olunub. X.Qasımovanın sözlərinə görə, gün ərzində kanalda yalnız ağır musiqilər səsləndiriləcək: “AzTV-də ümumiyyətlə şou xarakterli veriliş olmur. Musiqili-əyləncəli verilişlər də bu gün efirə verilməyəcək”.

İctimai Televiziya və Radio Yayım Şirkətinin koordinasiya və proqram direktoru Rafiq Nəbiyev “Media forum”a deyib ki, onlar hətta yaxın üç-dörd proqramını dəyişiblər: “Dəyişiklik aprelin 30-dan olub. Hətta yayımı əvvəlcədən nəzərdə tutulan filmlərin xarakterinə də baxılıb və uyğun olmayan filmlər proqramdan çıxarılıb”.

Direktor onu da qeyd edib ki, mayın 1-də “TRT-Avaz”ın yayımı zamanı da ümumi ovqata uyğun verilişin hazırlanması xahiş edilib: “Aprelin 30-da “TRT-Avaz”ın redaksiyası ilə saxladıq və Azərbaycanda baş vermiş qanlı olayın, xalqın əhvalının nəzərə alınmasını xahiş etdik. Ricamız nəzərə alınmışdı”.

“Speys” teleşirkətinin icraçı direktoru Kamil Şahverdiyevin bildirdiyinə görə, onlar aprelin 30-da verilişlərdə dəyişiklik ediblər: “Əgər Milli Teleradio Şurasından yenə dəyişiklik edilməsi ilə bağlı göstəriş gəlsə, bunu da dəyərləndirərik. Amma elə bir tapşırıq almamışıq. Axşama bir əyləncəli verilişimiz var, onun yayımlanıb-yayımlanmayacağı barədə nəsə deyə bilmərəm”.

“Azad Azərbaycan” teleşirkətinin vitse-prezidenti Natiq İbrahimov deyib ki, onlar həm televiziyada, həm də radioda yayımlanan verilişlərdə dəyişiklik ediblər: “Hazırda radiolarda lirik mahnılar səsləndirilir. Televiziyadan isə bütün əyləncəli verilişləri yığışdırmışıq və onların yerinə sənədli filmlər daxil edilib. Proqrama aprelin 30-dan dəyişiklik etmişik”.

Milli Televiziya və Radio Şurasının sədri Nuşırəvan Məhərrəmli “Media forum” saytına bildirib ki, qurum ölkədə yayımlanan bütün teleşirkətlərə proqramlarında dəyişiklik etmək barədə tövsiyəsini çatdırıb: “Tövsiyə etdik ki,  əyləncə xarakterli verilişləri azaltsınlar”.

ANS teleşirkəti də aprelin 30-dan proqramında dəyişiklik edib, əyləncəli proqramların yayımı qeyri-müəyyən vaxtadək təxirə salınıb. “ANS Press”in məlumatına görə, bu proqramların siyahısında "Yallı", "Qonaqlıq", "Qatıq", "Geccə", "Çatlama" kimi verilişlər var. Eyni zamanda sabah saat 22.00-da premyerası nəzərdə tutulan “Söz qalası” meyxana şousunun ilk yayımı may ayının 9-u saat 22.00-dək təxirə salınıb.

Bakıda yerli və xarici kanalları kabel televiziyası vasitəsilə yayımlayan “CaTV” musiqili kanalların yayımını dayandırıb.

"Media forum"

Xəbər Lenti

Valyuta məzənnəsi

2014-12-08Manat
1 Avro0.964
1 ABŞ dolları0.7845
1 Rusiya rublu0.0149
1 Türk lirəsi0.3472

Hava proqnozu

Arxiv

Səsvermə

Hansı ali məktəb daha yaxşı təhsil verir?
Bakı Dövlət Universiteti
Azərbaycan Dövlət Neft Akademiyası
Azərbaycan Tibb Universiteti
Azərbaycan Texniki Universiteti
Azərbaycan Dövlət İqtisad Universiteti
Azərbaycan Dövlət Pedaqoji Universiteti
Azərbaycan Memarlıq və İnşaat Universiteti
Bakı Slavyan Universiteti
Azərbaycan Dillər Universiteti
Bakı Musiqi Akademiyası
Azərbaycan Dövlət Mədəniyyət və İncəsənət Universiteti
Dövlət İdarəçilik Akademiyası
ADA Universiteti
Bakı Ali Neft Məktəbi
Azərbaycan Ali Hərbi Məktəbi
Qərb Universiteti
Qafqaz Universiteti
Xəzər Universiteti
Bakı İslam Universiteti
Başqa ali məktəb
        Rambler's Top100