Güney mənbələrindən «Media forum» saytına daxil olan məlumatda bildirilir ki, noyabrın 15-də yüzlərlə azərbaycanlı milli lider Səttarxanın ölümünün 93-cü ildönümü münasibəti ilə onun Rey şəhərindəki məzarı ətrafında dinc tədbir keçirmək istəyib. Lakin ETTELAAT əməkdaşları məzarın ətrafına çoxlu qüvvə gətirərək mərasimin keçirilməsinə mane olmağa cəhd göstərib.

Mərasim iştirakçıları ilə ETTELAAT qüvvələri arasında yaranan qarşıdurmadan sonra onlarla milli fəalı tutaraq naməlum istiqamətə aparıblar. Məlumatda tutulanlardan bəzilərinin adları verilir: Rəsul Rzai, Eyvaz Xani, Sönməz Sayın (hər üçü də sayınqayalıdır), Vəhid Rastqu (təbrizli tələbə), İsrafil Rəfiyi (zəncanlı tələbə), Həmid Rza Şəfiyi (təbrizli tələbə), Daryuş İbadpur, Bilal Vəlizadə, Cəfər Pejman, Hüseyn Səttari, Araz Naqıpur, Aydın, Eyvaz.

Milli fəalların harada saxlandığı barədə məlumat yoxdur.